కౌమార దశలో ఉన్న బాలికలకు, మెనోపాజ్‌ దాటిన మహిళలకు సాల్యుబుల్‌ కార్న్‌ ఫైబర్‌ ఎంతో మేలు చేస్తుందని వైద్య నిపుణులు అంటున్నారు. ఆహార సప్లిమెంట్ల రూపంలో దీన్ని తీసుకోవడం ఎముకలు గట్టిపడటానికి తోడ్పడుతుందట. బోన్స్‌లో కాల్షియం పెరగడంతో పాటు నిల్వ ఉండటానికి ఇది దోహదం చేస్తుంది. శరీరం తనకు అవసరమైన కాల్షియంను ఉపయోగించుకోవడంలో దీని పాత్ర కీలకం. సాల్యుబుల్‌ కార్న్‌ ఫైబర్‌ను తీసుకున్నప్పుడు ఆది ఎముకల పరిరక్షణకు అవసరమైన చిన్నచిన్న ఫాటీ యాసిడ్ల రూపంలోకి మారుతుంది. మెనోపాజ్‌ దశను దాటిన కొంతమంది మహిళలకు ఈ సప్లిమెంట్‌ను రోజూ 10 గ్రా. 20గ్రా చొప్పున 50 రోజుల పాటు అందించారు. వారి ఎముకల్లో కాల్షియం 4.8 శాతం, 7 శాతం చొప్పున పెరిగింది. అలాగే 11-14 ఏళ్ల బాలికలకు 10గ్రా., 20గ్రా చొప్పున సాల్యుబుల్‌ కార్న్‌ ఫైబర్‌ను నాలుగు వారాలపాటు అందించారు. మిగిలిన వారితో పోలిస్తే వీరిలో కాల్షియంను శోషించుకునే శక్తి 12 శాతం పెరిగినట్లు తేలింది. బేకరీ, డెయిరీ ఉత్పత్తులు, గింజలు, సెరల్స్‌, కార్న్‌ఫ్లేక్స్‌, చాక్లెట్‌ క్యాండీలు తదితరాల్లో సాల్యుబుల్‌ కార్న్‌ ఫైబర్‌ లభిస్తుంది
No comments:
Post a Comment