Grapes and uses

జనవరి మాసాంతంలో మొదలయ్యే గ్రేప్స్‌ సీజన్‌ వేసవి ముగిసే వరకూ కొనసాగుతుంది. మరెందుకాలస్యం ద్రాక్షను.. అందులోని పోషకాలను అందుకోండి.
ఒక కప్పు ద్రాక్ష పళ్లలో 90 కెలోరీల శక్తి ఉంటుంది. కొవ్వు శాతం సున్నా. సోడియం వెతికినా దొరకదు.
రోగ నిరోధక శక్తిని పెంచే విటమిన్‌ సి ద్రాక్షలో దాదాపు 25 శాతం వరకు ఉంటుంది. విటమిన్‌ కె కూడా అధికంగానే లభిస్తుంది. 

ద్రాక్షలో యాంటీ ఆక్సిడెంట్లు పుష్కలంగా ఉన్నాయి. ఒకటిన్నర కప్పు ద్రాక్షల్లో ఆరోగ్యకరమైన కార్బోహైడ్రేట్స్‌ 24 గ్రాముల వరకు ఉంటుంది. ఫైబర్‌, ప్రొటీన్‌ 1 గ్రాము వరకు ఉంటుంది. వీటితో పాటు కాల్షియం, ఐరన్‌ అదనంగా లభిస్తాయి.

ద్రాక్షను తీసుకోవడం ద్వారా.. జీర్ణక్రియలు సాఫీగా సాగుతాయి. 
రోగనిరోధకశక్తి పెరుగుతుంది. 
కొలెసా్ట్రల్‌ కరుగుతుంది. 
గుండె, మెదడు పనితీరు మెరుగవుతుంది. 
అలసట తగ్గుతుంది. 


వే సవిలో విరివిగా లభించే ద్రాక్ష పండులో పలు రకాల ఆరోగ్య ప్రయోజనాలు దాగి ఉన్న సంగతి తెలిసిందే! ఆ పండే ఇప్పుడు స్త్రీలలో మాతృత్వాన్ని కలిగించడానికి దోహదపడుతుందన్న విషయం ఇటీవల నిర్వహించిన పరిశోధనల్లో వెల్లడైంది. మాతృత్వానికి అడ్డుగా నిలిచే సమస్యలో ఎండోమెట్రియోసిస్‌ అనేది ముఖ్యమైంది. ఈ సమస్యే ఆడవారిని మాతృత్వానికి దూరం చేసే అవకాశం ఉంది. ఈ సమస్యకు ద్రాక్షపండుతో చెక్‌ పెట్టవచ్చు అన్న విషయాన్ని పరిశోధకుగులు గుర్తించారు. కొన్ని ఎలుకలకు క్రమం తప్పకుండా ద్రాక్షపళ్లు అందించి అనంతరం వాటిలో సంతానోత్పత్తిని గమనించారు. వీటిలో మార్పును వీరు స్పష్టంగా గమనించారు. పండులోని మెలోటినిన్‌ ద్వారా వాటి పరిస్థితిలో మార్పు స్పష్టంగా కనిపించిందట! స్త్రీలు వీటిని ఎక్కువగా తీసుకోవడం వలన అండాశయంలోని కొన్ని లోపాలను సరిచేసుకోవచ్చు అని వారు చెబుతున్నారు. అయితే కేవలం ద్రాక్షపండు తినడం వలనే మాతృత్వానికి చేరువ కావచ్చా? అన్న విషయం మీద వీరు ఇంకా పరిశోధనలు నిర్వహిస్తున్నారు.